Rhowch ganser y gwaed ar agenda eich Aelodau o’r Senedd

Diolch yn fawr i bawb a wnaeth ysgrifennu at eu hymgeiswyr am ganser y gwaed yn ystod etholiadau Senedd Cymru. Mae’r etholiadau bellach drosodd. Mae hi bellach yn amseer i chi gyflwyno eich Hunain i’ch Aelodau newydd o’r Senedd ac esbonio wrthynt sut y gallant hyrwyddo gwaith Blood Cancer UK yn y Senedd.

Mae’r dudalen hon hefyd ar gael i’w darllen yn Saesneg

Yn yr un modd â chynifer o bobl ledled Cymru, gwnaeth hi gymryd llawer yn rhy hir i mi gael diagnosis o ganser y gwaed. Rwy’n cofio nad oedd unrhyw un wedi gofyn i mi ddisgrifio fy symptomau hyd yn oed ac yn hytrach cefais fi nghyfeirio ar gyfer archwiliad uwchsain ymhen misoedd.

Roedd sicrhau diagnosis yn frwydr mewn gwirionedd a dim ond lwc oedd sicrhau archwiliad uwchsain cynharach a arweiniodd at fy niagosis. Ers hynny rwyf wedi dilyn gwaith Blood Cancer UK oherwydd rwy’n gwybod o brofiad mai mater o lwc yw sicrhau mynediad prydlon at driniaethau ar gyfer canser y gwaed yng Nghymru. Nid yw’r sefyllfa hon yn dderbyniol.

Dyma pam rwy’n gofyn i chi heddiw anfon e-bost at eich Aelodau o’r Senedd yn gofyn iddynt gyflawni dros bobl y mae canser y gwaed arnynt.

Boed o ran sicrhau mynediad cyfartal at driniaethau a threialon blaengar, cymorth gan weithlu canser y gwaed sydd wedi’i ariannu’n ddigonol neu sicrwydd o gael diagnosis mor gyflym â phosibl, ni ddylai unrhyw un yng Nghymru y mae canser y gwaed arnynt gael eu gadael ar ôl.

Ysgrifennwch at eich Aelodau o’r Senedd, a helpwch i sicrhau lle i ganser y gwaed ar eu hagenda o’r dechrau’n deg.

Rwy’n Llysgennad dros Blood Cancer UK ac yn aelod o’r Tȋm Polisi Cydweithredol – rwyf wedi cynrychioli’r elusen yn y Senedd, gan siarad â’r bobl sy’n gwneud penderfyniadau ynghylch yr hyn y mae angen ei newid. Mae dulliau eraill o gefnogi gwaith ymgyrchu Blood Cancer UK, fodd bynnag, fel anfon e-bost at eich Aelodau newydd o’r Senedd.